استفسار عن كيا اوبيروس 2009

طيب عطنا الممشى و حالة البدي حاط اعلان ناقص طبيعي بتجيك الاجابة ناقصة و يمكن م تجيك 

توفر قطعها في الدمام ما ادري عاد بالظبط انا من ملاكها لكني في الرياض وقطع موتري ولله الحمد متوفره ورخيصة مثال لبعض القطع :

1- المساعدات امامية ب 400 اصلي وكالة
2- فحمات امامي 170 ريال تقريباً اصلي وكالة
3- فحمات خلفي 120 ريال اصلي وكالة
4- سير مكينة ب 70 ريال
5- مساعدات كبوت ب120 ريال
6- بواجي حدود 300 ريال
7- رديتر حدود 900 ريال
8- جلد مقصات تحت بحدود 180 ريال
9- مسامير توازن حدود 160
10- جلد عمود توازن 30 ريال
11- فلتر هواء المكينة 55 ريال
12- فلتر مكيف 168


وهكذا يعني قطعها معقولة اغلبها انا كانت معي سوناتا 2006 والحين الاوبريس 2009 على فرق الموديل والفئة الا أنه مافيه فرق كبير في سعر القطع


سعر السيارة على حسب نظافتها وفئتها لكن عموما مهيب بذيك الغلاوة انا ماخذ فل ماشيه 180 الف قبل سنة ونص الى سنتين بدي وكالة ب 39 الف

أي استفسار تواصل معي بالخاص ، بالتوفيق

كيف استخدامها مقارنة بالكامري والفورد ؟

ابراهيم ^^ من وين مشتري القطع ياغالي

لان الاسعار اللي جبتها طيبه

وانا من الرياض معي كيا اوبتما 2014 وابغا لها

فحمات خلفيه و زيت دركسون وفلتر هوا وبواجي وممكن ممكن فحمات اماميه اذا كان السعر معقول

مع العلم الكيا اوبتما من 2011 الى 2015 نفس المحركات وكل شيء

ونفس شاص السوناتا من 2011 الى 2015 الدفعه الاولى

فاذا تعرف اسم محل هونداي او كيا وقطعه اصليه وسعره طيب دلني عليه لا هنت :)

ابشر يا ابويزيد000


انا اشتري من محل كيا الدوسري تخصصه سيارات كيا وقطع وكالة في الصناعية القديمة هو


بيني وبينك تفرق معي بعض القطع واجد 50 ولا 70 ريال فما بالك لو بشتري اكثر من قطعه هذا غير انه يعطيني سعر خاص ينزل لي شوي ولله الحمد مرتاح ، وكل قطع موتري القاها عنده مافيه طلبية ولا شي واسرع من الوكالة



رقم المحل : 0114483022 اسمه فايز ولارحت له قل له جايك من طرف احمد راعي الاوبريس 2009 وخله يخصم لك باللي يقدر عليه


بالتوفيق

بالنسبة لاستفسار الاخ عبدالاله :

انا الحين امتلكها لين سنة وثمان شهور سنة وتسع شهور في هالحدود ومشت معي حدود 70 الف بينهم خطوط


ماتندمت على أي ريال دفعته ولو يرجع فيني الزمن وسعرها اغلى من اللي شريتها دفعت زود بدون مبالغة لكن فعلن سيارة ماتعدت الاربعين الف سعرها يوم اشتريها


12 ارباق يعني امان بعدالله سبحانه البدي مهب ذاك البسيط قوي وثقيل الموتر وزنه حدود 1850 وفوق كذا عليه مكينة تطربك يعني مهيب بطه 3.8 لتر 275 حصان تقريباً


انا انصدمت بيني وبينك من السيارة مسكت بها كم مرة خط امشي 200 الموتر في يدي ويقول عطني وراسية ماشاء الله وفيها ثبات الكتروني


وانا طبعاً شاري فل قلت يمكن تصادفني اشياء او اعطال بسيطة بحكم ان موتري فل وكهربه واجد والله ماشاء الله انها كبرت فيها عيني تحكم كامل خلفي تحس انك راكب سيارة لها قيمتها وفوق كذا اللي شدني لها مركبها مرررريح تذكرني بمواصفات ومركب 430 ولو بتجربها بتقول فعلن كنها 430 من ناحية المركب والمواصفات وهكذا



فيه تقرير منزله عنها انا في صفحتي تقدر تطلع عليه وتأكدوا زين مازين لو الموتر فيه بلى او صادفتني مشاكل فيه او حسيت انه ماهوب ذاك الجودة والله ما نصحت فيه وكان دليت الناس انها تبعد عنه لكن فعلن صدمتني جودتها سنتين شلختها خطوط ووسط البلد دوامي اخر الدنيا ومشاوير في الليل وماشاء الله ما اخلفت في شي


فوق كذا مبطها مهوب مثل مطاب السوناتا والازيرا ترضخ لا لينه السيارة شوي وهذا اللي حببني فيها وعضلاتها متماسكه ما اسمع قربعه ولا اصوات ديكور يعني الحمدلله توفقت فيها رغم اني شطحت في شريتها لكن احسن شطحة



تحياتي للجميع

ما قصرت اخوي ابراهيم , الله يعطيك الف عافيه , وبارك الله فيك

العفو ماسوينا شي

الله يجزاك خير الحين افكر في سنتنيال 2012